Xhelal Mziu fiton në Kamëz: Gati të bashkëpunoj me Ramën

Ka përfunduar numërimi i votave në Bashkinë e Kamzës, ku fitues është shpallur kandidati i djathtë i APPD-së Xhelal Mziu, i cili ka fituar me një numër prej 2.700 votash para rivalit të tij të majtë, Safet Gjici.

Mziu ka marrë 23867 vota, kundrejt 21233 votave të mara nga Gjici. Ndërkohë në Kamëz kanë filluar festimet e simpatizantëve të djathtë, të cilët kanë mbushur rrugët e qytezës me flamuj dhe banderola blu.

I lumtur nga rezultati, kryetari i Bashkisë së Kamzës, ka deklaruar: “Fitorja ishte e mirëpritur, dua të shpreh mirënjohjen time ndaj qytetarëve. Jam i gatshëm për të bashkëpunuar me kryeministrin Rama për të mirën e Kamzës”.