Zaev akuzohet për spiunazh dhe puç ndaj pushtetit

Ministria e Punëve të Brendshme njoftoi se do të ngrejë kallëzime penale kundër liderit socialdemokrat Zoran Zaev, për veprat penale spiunazh, dhunim të funksionarëve shtetërorë dhe tentim për marrjen e shtetit në mënyrë demokratike.

Zaev akuzohet se në takimet me kryeministrin Nikola Gruevski ka kërcënuar këtë të fundit me prova kundër tij.

MPB thotë se aksioni policore ka parandaluar rrënimin e rendit kushtetues dhe marrjen e pushtetit në mënyrë jodemokratike.

“Në takimet dhe komunikimet me kryetarin e Qeverisë, Zaev ka lëshuar kërcënime serioze duke thënë se posedon prova me karakter komprometues për funksionarë shtetërorë. Kërcënimet i ka konkretizuar duke kërkuar nga VMRO-DPMNE që të pranojë formimin e qeverisë teknike dhe të shpallë zgjedhjet e parakohshme. Si këmbim, Zaev ka premtuar se nuk do të publikojë provat që posedon”, tha zëdhënësi Ivo Kotevski.