Zbulohet skema e mashtrimit për punësim në Rusi, ndiqen penalisht dy persona

Sektori i Krimit Ekonomik në Policinë e Shtetit ka zbuluar një skemë mashtrimi për punësimin e personave nga Shqipëria në Rusi.

Burime nga policia bëjnë me dije se për këtë çështje po ndiqen penalisht dy persona Lulzim Hidri 45 vjeç dhe Hazbi Lushi, 26 vjeç.

Këta të fundit u premtonin qytetarëve të ndryshëm viza pune në rusi në këmbim të shumave 4-5 mijë euro. personat e proceduar penalisht nga policia u premtonin “viktimave” të tyre punë në ndërtim ose si shoferë dhe u merrnin 1 mijë euro paradhënie. Përmes mashtrimit ata u premtonin edhe një kontratë dy vjeçare me çmim 2 mijë deri në 2.5 mijë euro. News24 zbulon disa nga emrat e denoncuesve të mashtrimit. Skema e mashtrimit u denoncua nga Lorenc Haka, Izmir e Fiqiri Shabani dhe Gentian Treca.