Zgjedhjet dhe ministrat teknikë, Basha mbledh grupin e PD-së

Pas 90 ditëve larg kuvendit, grupi parlamentar i PD-së do të rikthehet sot për votimin e ministrave teknikë. Por para kësaj, Partia Demokratike ka mbledhur grupin parlamentar në selinë blu.

Përveç zgjedhjes së ministrave teknikë të dekretuar nga Presidenti, Basha ka diskutuar me grupin parlamentar edhe për zgjedhjet dhe fushatën elektorale, si dhe për procesin e hartimit të listave.

Një ditë më parë, kreu i demokratëve Lulzim Basha u takua për 45 minuta me kryeministrin Edi Rama me të cilin u dakortësua për emrat e ministrave dhe zv.kryeministrit teknik.

Kryeministri i dërgoi emrat për dekretim tek Presidenti Bujar Nishani dhe sot në orën 18:00 pasdite mblidhet Kuvendi në seancë të jashtëzakonshme.