Tahiri në Beograd, diskutohet lufta kundër terrorizmit dhe krimit të organizuar
Ministri i Brendshëm, Saimir Tahiri, po merr pjesë në Forumin e Ministrave të Brendshëm dhe të Drejtëisë të Ballkanit Perëndimor, që po mbahet në Beograd, me mbështetjen e Italisë që ka presidencën e rradhës të BE.
Çështjet kryesore që po diskutohen në Forum janë lufta kundër terrorizmit, krimit të organizuar, trafikut të qenieve njerëzore, liberalizimi i vizave dhe programi IPA në luftën kundër krimit ndërkombëtar.
Veçanërisht në luftën kundër terrorizmit, diskutohet gjetja e mënyrave për të penguar përfshirjen e shtetasve nga vendet e rajonit në konfliktet e armatosura në vendet e Lindjes.
Në luftën kundër krimit të organizuar, fokusi është përqëdruar tek trafiku i paligjshëm i armëve. Të tjera çështja janë edhe reforma e gjyqësorit, bashkëpunimi në ligjin civil dhe penal, konfiskimi i pasurisë së përfituar nëpërmjet aktivitetit kriminal dhe të drejtat e njeriut, me theks mbi gratë dhe fëmijët.
