Vlorë, hyjnë për të grabitur në një banesë, plagosin dy vëllezër

Dy persona kanë mbetur të plagosur natën e djeshme në Vlorë. Ngjarja ka ndodhur në orët e vona të mbrëmjes në fshatin Llakatund, ku dy persona të maskuar dhe të armatosur kanë hyrë për të vjedhur në banesën e familjes Torraj.

Në përpjekje për të ndaluar grabitësit, të zotët e shtëpisë, vëllezërit Resmi dhe Dane Torraj janë përleshur me ta duke mbetur të plagosur. Policia e njoftuar nga familjarët ka mbërritur në vendngjarje dhe ka nisur hetimet për identifikimin e autorëve të plagosjes së dy vëllezërve.

Këta të fundit janë dërguar për ndihmë mjekësore në spitalin rajonal dhe ndodhen jashtë rrezikut për jetën.