Karl Lagerfeld dhe macja e tij Choupette, së bashku në një libër vizatimor
Karl Lagerfeld dhe macja e tij Choupette do të jenë personazhet e një libri vizatimor.
Stilisti i famshëm dhe njëkohësisht drejtori artistik i kompanisë së modës ‘Chanel’ ka zgjedhur ilustratorin frances Tiffany Cooper për të krijuar koleksionin e karikaturave, përfshi këtu edhe macen e tij të dashur.
Rrobat dhe aksesorët do të jenë pjesë e koleksionit të modës, pranverë-verë 2015, që do të realizohet në Paris.
Lajmi për librin vizatimor është bërë i njohur nga vetë artisti francez, i cili tha se bashkëpunimi i radhës është me Lagerfeld.
Përveç tij, në faqet e librit do të jetë edhe macja e dashur e stilistit, macja më shik në botë.
Choupette ka një llogari të saj në Twitter e Instagram.
Ajo ka edhe një personel që përbëhet nga tri gra, të cilat i rrinë në gatishmëri të maces për çdo nevojë, kur Lagerfeld largohet nga shtëpia.
