Policia arreston 40 anëtarë të një rrjeti të gjerë mafioz
Karabinierët italianë njoftuan kapjen e një rrjeti të gjerë mafiozësh me bazë në Romë duke arrestuar 40 persona sot në mengjes dhe duke sekuestruar të ardhura që arrinin vlerën e rreth 10 milionë eurove.
“Nga 61 mandatarreste të lëshuara nga drejtësia, ne kemi arrestuar 40 persona, ndërkohë që 20 ndodhen tashmë në burg, disa prej të cilëve për vrasje”, theksoi koloneli i karabinierëve të Romës, Lorenzo Sabatino.
Sipas procedurave të drejtësisë italiane, është e mundur dhënia e një mandat arresti për një person tashmë të burgosur më parë për krime të tjera.
”Akuzat e ngritura kundër këtij grupi kriminal janë krijimi i shoqërive mafjoze, trafiku i drogës, dhuna, kërcënimet dhe pastrim parash”, theksoi në një konferncë shtypi prokurori Michele Prestipino.
Grupi kriminal drejtohej nga Michele Senese dhe Domenico Pagnozzi, dy ish-anëtarë të mafias napolitane, Camorra.
Të dy këta persona ndodhen aktualisht në burg, të dënuar me burgim të përjetshëm për vrasjen e një personi në vitin 2001, një ekzekutim i komanduar nga Michele Senese dhe realizuar nga Domenico Pagnozzi.
