Home / Kuriozitete / Para martesës i kërkon gruas të firmosë një kontratë të pazakontë

Para martesës i kërkon gruas të firmosë një kontratë të pazakontë

Në pjesën më të madhe të rasteve meshkujve u pëlqen që të kenë një grua, e cila i lejon që të shkojnë në stadium çdo të diel, pa asnjë ankesë dhe të shtunën të lejohen të shohin ndeshje në televizion.

Shumë gra nuk mund të pranojnë faktin që bashkëshorti i tyre preferon më shumë të shohë një ndeshje futbolli se sa të dalë shëtitje me të. Në vitin 1997, një burrë nga Padova e Italisë ka detyruar bashkëshorten që të firmosë përpara martese një kontratë, ku e lejonte që të shkonte në stadium çdo të diel, pa asnjë lloj problemi.

“Deklaroj se do të lejoj që burri im të shkojë në stadium në të gjitha ndeshjet që skuadra e tij e zemrës do të luajë në shtëpi, por edhe për ata raste kur ajo luan në transfertë ”, janë këto fjalët që burri ka shkruar në kontratën e firmosur nga gruaja e tij përpara se ta çonte në altar.

Këtu ishin kushtet  që gruaja kishte pranuar në mënyrë që të martohej me të dashurin e zemrës. Por edhe gruaja  kishte një kërkesë përpara se të firmoste. Ajo  kërkoi që bashkëshorti ta shoqëronte në të gjitha koncertet, spektaklet apo teatrot që ajo donte të shkonte. Duket se marrëveshja ka funksionuar shumë mirë. Pas 18 vitesh martesë, dy të dashuruarit paqësisht mund të ndjekin pasionet e tyre pa u konfliktuar.

Leave a Reply

%d bloggers like this: