Home / Arte / Muzike / Një udhëtim në viset e Servantesit

Një udhëtim në viset e Servantesit

Bienalja “Netët e muzikës klasike” nga data 1-7 gusht në Durrës

Me natën surrealiste do të hapë siparin bienalja “Netët e Muzikës Klasike” një aktivitet i cili prej vitit 2003 organizohet në qytetin e Durrësit. Këtë edicion së bashku me muzikantin dhe kompozitorin e mirënjohur, Haig Zacharian, bienalja do të shtegtojë në viset e Servantesit, me temën “ESPAÑA”. Drejtuesi i kësaj bienaleje, artisti Florian Vlashi rrëmon në tingujt e përbashkët mes Spanjës dhe Durrësit, ata tinguj që sollën rrëfimin muzikor që ai e quan -Spanja, një histori dashurie – prej nga gjen edhe përgjigjet për pyetjet muzikore. “Në fakt, Durrësi është qyteti shqiptar ku më shumë është luajtur muzika spanjolle dhe, nga ana tjetër, nga ku më shumë instrumentistë, kompozitorë e artistë, janë përfaqësuar në Spanjë. Nëse dikush do më pyesë “Pse Durrësi?” unë do përgjigjesha se ishin “Netët e Muzikës Klasike” ato që krijuan këtë urë tingujsh me Spanjën. Por, diku brenda meje, ndiej se kjo ka qenë ndoshta edhe një lidhje tjetër, shumë më e vjetër, si “e shkruar” në amanetet e marinarëve të anijes së mbytur 1700 vjet më parë në bregun e Durrësit…”., thotë ai. Festivali do të mbyllet më 7 gusht me natën e muzikës moderne. Nuk do të mungojë gjatë këtij festivali dhe forumi për muzikën bashkëkohore apo teknikën e re violinistike.

Leave a Reply

Your email address will not be published.