Serbët protestojnë nesër në Zubin Potok
Në Zubin Potok, në veri të Kosovës, serbët për nesër që nga ora 11 kanë njoftuar për mbajtjen e një proteste nën moton “ne jemi të gjithë të njëjtë, cili prej nesh e ka radhën”.
Kryetari i Zubin Potokut, Stevan Vulovic tha për Tanjug se Policia e Kosovës u përpoq javën e kaluar, ndërsa ai ishte larg nga shtëpia, t’i bëjnë ftesë për seancë gjyqësore të cilën e kishte thirrur prokurori i EULEX-it.
Një thirrje e ngjashme nga EULEX-i, nëpërmjet Policisë së Kosovës i është bërë edhe ish-kryetarit të Komunës së Zubin Potokut, Sllavisha Ristic, i cili gjithashtu nuk ishte në shtëpi.
Nga EULEX, nuk janë deklaruar se për çfarë janë të dyshuar Vulovic e Ristiq, raportojnë mediat serbe, transmeton Telegrafi.
Protesta e qytetarëve serbë do të mbahet të hënën në Zubin Potok, në rrugën “Kosovska Mitrovica” dhe siç thuhet në deklaratën e organizatorëve, populli serbë do të shpreh mospajtimin me veprimet e EULEX duke vlerësuar se “po shkelen të drejtat themelore të njeriut”.
