Shpërthen granata e vjetër në Prrenjas/ Plagosen banorët që po punonin tokën, dy prej tyre dërgohen drejt Traumës

“Po punonim me katër veta, nuk e di se si plasi”, tha banori i plagosur për mediat, ndërsa është i fashuar në këmbë. Policia thotë  se dyshimet janë për një granatë të vjetër e mbetur e pashpërthyer.  Në momentin e shpërthimit familjarë të tjerë janë gjendur pranë, por fatmirësisht nuk kanë marrë dëmtime.

Librazhd/Informacion paraprak

Në fshatin Kakavec, bashkia Prrenjas, rreth orës 12:00, shtetasi O. E. dhe shtetaset Y. B. dhe D. B., duke punuar tokën me bel, aksidentalisht ka shpërthyer dyshohet një granatë e vjetër dhe për pasojë, këta shtetas janë plagosur në gjymtyrët e poshtme, janë transportuar menjëherë në spital dhe ndodhen jashtë rrezikut për jetën. Në momentin e shpërthimit të granatës, kanë qenë duke punuar edhe 2 vëllezërit, bashkëshortët e shtetaseve të mësipërme, të cilët nuk kanë pësuar dëmtime. Grupi hetimor vijon punën në vendngjarje për sqarimin e plotë të rrethanave të këtij rasti.