Ekonomia
Hiqet ekskluziviteti për Rinasin
Qeveria shqiptare ka përfunduar me sukses negociatat me koncesionarin gjerman të Aeroportit të Rinasit.
Ministri i Ekonomisë, Arben Ahmetaj bëri të ditur lajmin, duke theksuar se ka përfunduar marrëveshja për heqjen e ekskluzivitetit me një rreze prej 100 kilometrash. Kjo do t’i hapte mundësinë funksionimit të aeroportit të Kukësit.
“Dosja është dërguar tek bordi i koncesionarit. Presim oferta për realizimin e aeroporteve lokale”, deklaroi Ahmetaj.
Ai ishte sot në komisionin e Veprimtarive Prodhuese dhe u pyet për këtë çështje nga deputetët e opozitës.