Rama: A e dinë se ç’po bëhet tani në Shqipëri? S’na duhet qeveri teknike, por…
Kryeministri Edi Rama gjatë fjalës së mbajtur sot me studentë e pedagogë të Universitetit të Shkodrës ka mbajtur leksionin e radhës, pse vendit i duhet me urgjencë zbatimi i Reformës në Drejtësi me Vetingun, ka shigjetuar sërish gjykatës e prokurorë për vendime të kapura, të paligjshme e në favor të kriminelëve.
“Çdo ditë gjykatat japin vendime në dëm të popullit, të shtetit, të ekonomisë. Vetingu mbron popullin, sipërmarrësit, Shqipërinë që duam”- tha Rama.
Sipas tij, vetingu do pastrojë drejtësinë, pasi ata që nuk justifikojnë pasurinë, apo vendimet e marra, nuk kanë punë me “çekiçin në dorë se jemi të rrezikshëm, të shkojnë të japin llogari para ligjit”.
“Habitem kur thonë se vetingun e do ky që po liron kriminelët, ata i lirojnë gjykatësit, vetingu është që gjykatësit të japin llogari dhe këtë nuk e japin para selisë së PS, por para komisionit që vëzhgohen nga SHBA e BE që nuk e lënë komisionin të çmendet.
A e dinë se ç’po bëhet tani në Shqipëri në këtë moment, në gjithë gjykatat? Dhe në darkë, viktimat do shkojnë në shtëpi dhe do shohin në TV se na duhet një qeveri teknike, për ca na duhet, ne na duhet vetingu se me çdo qeveri këta janë mbi qeverinë”, tha Rama.
