Gjermania 17 milionë euro për projekte në Kosovë
Qeveria e Kosovës dhe Republika Federale e Gjermanisë nënshkruan sot një marrëveshje për bashkëpunim financiar me vlerë 17 milionë euro. Nga kjo marrëveshje Gjermania ka dhënë grante, për projekte të ndryshme në menaxhimin e ujërave dhe mbeturinave.
Marrëveshja u firmos nga ministri i Financave Avdullah Hoti dhe ambasadorja e Republikës Federale të Gjermanisë në Kosovë Angelika Viets.
Ambasadorja gjermane, Angelika Viets tha se deri tani Gjermania ka përkrahur Kosovën me mbi 500 milionë euro.
Ndërsa ministri i Financave, Avdullah Hoti, vlerësoi këtë marrëveshje, duke thënë se këto grante të dhëna sot nga Gjermania për Kosovën do të shfrytëzohen për projekte, të cilat janë të rëndësishme për qytetarët e Kosovës.
Hoti falënderoi Gjermaninë për mbështetje financiare.
