Organizohet aktivitet human me rastin e themelimit të Këshillit të Investuesve të Huaj në Maqedoni

Më 5 qershor do të organizohet një aktivitet human në Parkun e qytetit të Shkupit për të shënuar 10 vjetorin e themelimit të Këshillit të Investuesve të Huaj (KIH) pranë Odës Ekonomike të Maqedonisë (OEM), transmeton Telegrafi Maqedoni.

Me këtë rast, qytetarët do të kenë mundësi të shijojnë ushqime tradicionale të vendeve nga ku vijnë investuesit e huaj, me një çmim simbolik, ndërkaq paratë do të jepen te kuzhinat popullore në vend.