Reshjet dëborës, rrugët ku duhet të keni kujdes
Moti i keq i shoqëruar me ngrica dhe reshje të dendura dëbore në veri dhe verilindje të vendit ka shkaktuar problemet e para në qarkullimin e automjeteve.
Emergjencat Civile kanë njoftuar situatën më të fundit si dhe kanë paralajmëruar marrjen e masave konkrete për parandalimin e rreziqeve.
Si shkak i reshjeve të dëborës në Qarkun Kukës dhe Shkodër që nisën mbrëmjen e kaluar me intensitet, por edhe uljes së ndjeshme të temperaturave, çka ka sjellë edhe ngrica në rruge, drejtuesit e mjeteve udhëzohen të përdorin zinxhirët në këto akse rrugore:
Fushe Arrez – Iballe
Fushe Arrez – Qafe Mali – Qafe Shllak
Qafe Mali – Fierze.
Bajram Curri – Valbone
Kukes – Qafe Shllak
Tunel i Kalimashit – Morine.
Aktualisht janë vështiresisht të kalueshme këto segmente rrugore nga dëbora dhe po punohet për hapjen e tyre:
Qafe Mali – Dardhe, në zonen e Pukës
Qafe Thore – Theth, në zonën e Malesise se Madhe
Tamare – Vermosh
Bushtrice, Kukës – Kala e Dodes, Diber.
Trashësia e dëborës në këto akse shkon nga 20 cm deri në 50 cm.
Prezence dëbore ka edhe në “Rrugën e Kombit” ku punojnë borëpastrueset.
Komisionet e Emergjencave Civile në Qarqe dhe Drejtoria e Përgjithshme e Emergjencave Civile ne MPB po ndjekin situatën duke e shoqëruar me masa përkatëse ne terren.
