Kandidati Toska merr mbështetjen e bashkisë së Brescias
Kandidati i “Aleancës për Shqipërinë Evropiane” për Bashkinë Cërrik, Altin Toska, ka zhvilluar një takim me kryetarin e Bashkisë së Brescias, Emilio del Bono.
Gjatë këtij takimi, Toska ka marrë edhe mbështetje nga kryebashkiaku i Brescias për projektet e transformimit të Cërrikut. Toska ka zhvilluar një takim me kryetarin e Bashkisë së Brescias, Emilio del Bono, i cili ka zgjatur 40 minuta. Mësohet se mes kryebashkiakut dhe kandidatit është folur për projekte të karakterit ekonomik.
Fillimisht kandidati Toska, i cili është rezident prej 17 vitesh në Brescia dhe njihet për lidhje të forta jo vetëm me komunitetin shqiptarë atje, por edhe me drejtues të lartë politik si dhe biznesmenë të fuqishëm, e ka falënderuar kreun e Brescias për mikpritjen dhe atë çka ai ka bërë dhe bën për shqiptarët me shpresën se në të ardhmen mund të vendosen ura bashkëpunimi edhe me një bashki të vogël, por me shumë hapësirë për investime. Nga ana e tij, Del Bono mësohet të ketë dhënë gjithë mbështetjen e tij dhe jo vetëm politike. Ai e ka quajtur rastin e Altin Toskës një histori frymëzuese.
