Tony Blair këshilltar i Donald Trump? Ish-kryeministri sqaron të vërtetën
Në shtypin anglez dhe atë amerikan është përfolur se ish-kryeministri i Britanisë së Madhe Tony Blair do të jetë këshilltar i Presidentit të zgjedhur amerikan, Donald Trump.
Shkak për këtë spekulim është bërë takimi i Blair me Jared Kushner, bashkëshorti i Ivanka Trump, vajza e Donald Trump.
Ish-kryeministri anglez u pa të drekonte në një restorant në Nju Jork me Kushner, i cili shihet si një njeri me potencial të fuqishëm tek Presidenti Trump.
Zyra e Tony Blair ka reaguar duke thënë se nuk ka asgjë të vërtetë rreth pretendimeve se ish-kryeministri anglez do të jetë këshilltar i Donald Trump.
“Tony Blair ka njohje prej disa vitesh me Jared Kushner. Z.Blair po kalonte pranë tavolinës ku ndodhej Kushner me persona të tjerë, të cilët i njihte dhe u ftua prej tyre që të ulej për drekë. Blair nuk diskutoi asnjë gjë për këshilltar. Kjo është tërësisht e ekzagjeruar”, thotë zëdhënësi i Tony Blair.
