Bushati vizitë Francë, takime me homologun Ayrault

Ministri i Jashtëm, Ditmir Bushati është nisur për një vizitë në Francë, ku do të zhvillojë takime dhe bisedime dypalëshe me ministrin e Jashtëm dhe të Zhvillimit Ndërkombëtar Jean-Marc Ayrault.

Zyra e shtypit e MPJ-së bën të ditur se në qendër të bisedimeve do të jetë angazhimi i përbashkët për të forcuar dhe intensifikuar më tepër bashkëpunimin dypalësh, zhvillimet në rajon dhe më gjerë, Konferenca e Parisit, rrugëtimi evropian i vendit dhe sfidat e sigurisë.