Atentati në Elbasan, policia ofron 20 mijë euro për informacion
Policia e Elbasanit ka kërkuar ndihmën e komunitetit për identifikimin dhe kapjen e autorëve të atentatit të ndodhur një ditë më parë në lagjen “5 Maji” të qytetit.
Për këtë qëllim, Drejtoria Vendore e Policisë Elbasan ka vendosur në dispozicion një sasi parashë prej 20.000 Eurosh për çdo informacion të vlefshëm që çon në zbardhjen e ngjarjes dhe identifikimin e autorit.
Policia siguron anonimatin për çdo shtetas që do japë informacion të saktë në numrat e cel 0694110853 dhe 0694100003 dhe në numrin pa pagesë 129.
Një person ka zbrazur një breshëri automatike në drejtim të automjetit tip Volksëagen “Golf”, me targa AA 997 NE ku mbeti i plagosur shtetasi B.M., 37 vjeç dhe M.K., 49 vjeçe, punonjëse e Policisë së Elbasanit, e cila ka qenë duke kaluar rastësisht kur ka ndodhur ngjarja.
Të dy shtetasit e plagosur u dërguan menjëherë në spitalin Kirurgjik Elbasan dhe ndodhen jashtë rrezikut për jetën.
