Nga sfida e akullit në atë të zjarrit, digjet flamuri i ISIS nëpër botë

Me qindra mijëra myslimanë (dhe jo vetëm) të zemëruar po mbushin internetin me versionin e tyre të ‘Ice Bucket Challenge’. ‘Burn ISIS Flag Challenge’ është versioni i zjarrtë i sfidës së kovës me akull që ka për qëllim djegien e flamurit të shtetit islamik ISIS, në shenjë proteste ndaj terrorit që kjo organizatë terroriste po shpërndan nëpër botë me vrasjet makabre të njerëzve të pafajshëm.

Dhjetëra e qindra video të shpërndara në rrjetet sociale Facebook e Twitter tregojnë njerëz nga Amerika në Liban të cilët i vënë flakën flamurit të zi xhihadist.

Gjithçka nisi me një video të postuar në You Tube që ka marrë më shumë se 100 mijë klikime, ku digjej flamuri i ISIS dhe u bëhej thirrje kujto tjetër që të bënte të njëjtën gjë.