Qeveria krijon në Spitallë, zonën e lirë ekonomike. Jep kompensim për aksin Rrëshen-Kalimash

Këshilli i Ministrave ka vendosur sot shpalljen e një zone në Spitallë të Durrësit si zonë e lirë ekonomike për 35 vjet.

Ajo ka një sipërfaqe prej 22 ha dhe në të do të kryhet veprimtari prodhuese, tregtare, import-eksporti; shërbime dhe magazinim mallrash si dhe veprimtari ndihmëse.

Po ashtu, Qeveria ka vendosur edhe shpronësimin, për interes publik, të pronarëve të pasurive të paluajtshme që preken nga ndërtimi i segmentit rrugor “Rrëshen – Kalimash”. Vlera e përgjithshme e shpronësimit është 8 milionë e 420 000 mijë lekë.