Londër, një nga 3 xhihadistët protagonist i një dokumentari tv
Policia britanike ka deklaruar se ka identifikuar tre terroristët që kryen sulmin vdekjeprurës në Londër në mbrëmjen e finales së Champions League.
Një nga të tre, ka qenë protagonist i një dokumentari të “Channel 4” për xhihadistët dhe është i njohur për shërbimet sekrete. “Është radikaliziuar, duke parë video në Youtube”, – ka pohuar një mik i tij i marrë në pyetje nga hetuesit.
27-vjeçari i masakrës në Londër, shfaqet në një dokumentar të “Channel 4”, i xhiruar një vit më parë, ndërsa valëvit flamurin e ISIS-it në “Regent Park”, së bashku me shokë të tjerë, siç raporton “Daily Mail”.
Për momentin, fytyra e terroristit dhe emri i tij nuk janë publikuar nga hetuesit, pasi po përpiqen të ngushtojnë rrethin e rrjetit terrorist që ka përgjakur Britaninë e Madhe prej javësh.
