Erakoviq: Qeveria e Abazoviqit nuk ka më mbështetjen e PDS-së
PDS e Malit të Zi do të refuzojë mbështetjen për qeverinë e kryeministrit Dritan Abazoviq, është vendosur në seancën e djeshme të Kryesisë së asaj partie.
Pritet një njoftim zyrtar. Fuksioneri i PDS-së, Jevto Erakoviq, tha se qeveria nuk ka më mbështetjen e kësaj partie. Kryetari i Partisë Demokratike të Socialistëve Millo Gjukanoviq dhe anëtarët e Kryesisë së partisë në seancën e sotme diskutuan për hapat e mëtutjeshëm pasi Qeveria të premten miratoi Propozimin e Marrëveshjes Themelore me Kishën ortosokse serbe dhe pasi SDP njoftoi se nuk e ka më mbështetjen e tyre.
“Qeveria e Dritan Abazoviqit nuk ka më mbështetjen tonë sepse për PDS prioritet është, ishte dhe mbetet axhenda evropiane. Ne e mbështetëm qeverinë pa kalkulime, duke besuar se BE-ja është qëllimi ynë i përbashkët. Tani që, për fat të keq, është e qartë se kjo nuk është kështu, përsëri pa kalkulime vazhdojmë të luftojmë për të njëjtin qëllim”, ka shkruar Erakoviq në Twitter.
