Europol: Kapen 1.5 ton heroinë në portin e Konstancës, disa të arrestuar
Në operacionin e kryer më 19, 20 dhe 25 maj, u kontrolluan 12 vendndodhje në Belgjikë, Hungari, Holandë dhe Rumani, u arrestuan 10 të dyshuar – shtatë në Belgjikë, dy në Holandë dhe një në Rumani dhe 1.452 kilogramë heroinë u sekuestruan në vlerë 45 milionë euro.
Autoritetet rumune gjetën dhe sekuestruan heroinë të fshehur në dy kontejnerë të ngarkuar me pllaka mermeri.
Dërgesa arriti në portin rumun të Konstancës nga Lindja e Mesme. Autoritetet belge arrestuan një të dyshuar tjetër më 25 maj.
Operacioni është rezultat i një hetimi një vjeçar kundër një rrjeti kriminal të profilit të lartë të përfshirë në kontrabandën e drogës.
Aksioni i përbashkët operativ në të gjithë BE-në, në të cilin 90 oficerë policie morën pjesë vetëm në Rumani, u bë i mundur nga koordinimi i shpejtë i gjyqësorit dhe koordinimi i strukturave te tjera ligjzbatuese.
