Tiranë, ndalohen dy persona të shpallur në kërkim

Policia e Tiranës njoftoi të dielën se ka ndalur shtetasin e shpallur në kërkim, Muharrem Zalla, banues në Krujë.

Ky shtetas është dënuar me 7 vjet e 6 muaj burg për prodhim dhe shitje lëndësh narkotike.

Policia njoftoi gjithashtu se në pranga është vënë edhe një tjetër person i shpallur në kërkim për plagosje.

Bëhet fjalë për shtetasin Lekë Faslia, i cili u ndalua gjatë kontrollit të dokumentacionit në Rinas.

Faslia, 42 vjeç, banues në Tiranë, është dënuar me 11 muaj e 25 ditë burg, për plagosje.