Bota
Donald Trump pushon kreun e fushatës elektorale. Hillary Clinton kryeson sonazhet
Kandidati republikan për president, Donald Trump ka pushuar shefin e fushatës së tij elektorale, pas skandalit të ngacmimit të nje gazetareje. Kjo lëvizje e tij, shihet si përpjekje për të fituar pikë perballe rivales Hilari Klinton qe kryeson ne sondazhe.
Donald Trump ka pushuar kreun e fushatës së tij elektorale, Corey Leëandoëski. Sipas komentuesve politikë amerikanë, kjo lëvizje është një zbutje e toneve në sfidën me Hilari Klinton, e cila ka rritur avantazhin e saj pas tragjedisë në Orlando.
Kjo ishte një surprizë pasi miliarderi njujorkez kishte mbrojtur Levandovskin me shumë ngulm perballe akuzave se ka ngacmuar një gazetare gjatë zgjedhjeve paraprake. “E kam thënë dhe e përsëris: do të mbështes Donald Trump në çdo sfidë të tij dhe nëse mund të kem ndonjë rol formal apo informal në këtë fushatë për mua do të ishte një nder”, u shpreh Kori Levandovski.
Largimi I Levandovskit është kërkuar nga Ivanka, vajza e Trump, sëbashku me bashkëshortin e saj Xhared Kushner, i cili do të bëjë karrierë në krah të vjehrrit të tij. Për analistët politikë kjo është një tentativë për tu riafruar me partinë Republikane. Ndërkohë, një i ri që donte të vriste Trump është arrestuar. Bëhet fjalë për një 20-vjeçar britanik i cili ka pranuar vetë se do vriste kandidatin republican. Gjatë një takimi elektoral në Las Vegas, i riu ka tentuar t’i rrëmbejë armën një polici që ishte i pranishëm në event, por u ndalua nga forcat e rendit. Ndërsa në anën tjetër, shikohen buzëqeshje në familjen Klinton, që u ka treguar amerikanëve imazhet e nipit të dytë të gjyshes Hilari, Aidan. Një sondazh i ri, tregon se kandidatja demokrate ka një avantazh prej 7 pikësh në nivel kombëtar.
