Shteti të mbyll korridoret që dërgojnë në luftën e Sirisë
Shteti i Kosovës duhet që të punojë më shumë në mbylljen e korridoreve të cilat janë duke u shfrytëzuar për qarkullim të personave që kanë marrë pjesë në luftën e Sirisë.
Kështu u tha në një tryezë të thirrur nga Qendra Kosovare për Studime të Sigurisë, që u organizua në bashkëpunim me Institutit Seda the DC Center nga Turqia.
Njohësi i çështjeve të sigurisë, Burim Ramadani ka theksuar se për shkak të këtyre korridoreve ka mundësi që edhe Lavdrim Muhaxheri të ketë hyrë në Kosovë.
“A ka qenë Lavdrim Muhaxheeri në Kosovë, apo jo? Nëse po, atëherë si është e mundur që kontrolli kufitar nuk punoni? E nëse jo, a beson dikush vërtet që nuk ka qenë?” ka deklaruar ai.
Ramadani ka prezantuar një analizë të titulluar “Shteti i Brishtë: Qeverisja e Dobët dhe Ndikimi në përhapjen e ideologjive ekstremiste” përmes të cilit bënë thirrje për rritje të kapaciteteve shtetërore për mbylljen e korridoreve të tilla.
Sipas drejtorit ekzekutivë, të Qendrës Kosovare për Studime të Sigurisë, Florian Qehaja për momentin rreth 60-70 kosovarë janë në Siri për qështje lufte.
Qehaja, ka thënë se aktualisht janë rreth 60 apo 70 kosovarë që janë duke marrë pjesë në luftën e Sirisë.
Takimi kishte si qëllim edhe forcimin e bashkëpunimit në mes të Kosovës dhe Turqisë në mbylljen e korridoreve përmes të cilat po shfrytëzohen për të marrë pjesë në luftën e Sirisë.
