Xhihadistët përparojnë në Siri dhe në Irak, koalicioni bisedime për strategjinë
Shefat ushtarakë të koalicionit antixhihadist u mblodhën sot në Uashington ndërkohë që fushata e sulmeve në Siri dhe në Irak nuk ka penguar grupin e Shtetit Islamik të avancojë, veçanërisht në Kobane, ku është pozicionuar në qendër të qytetit.
Presidenti amerikan, Barack Obama do të marrë pjesë në këtë takim, i pari që prej fillimit të luftës, mes drejtuesve të ushtrive të 22 vendeve të angazhuar në koalicionin ndërkombëtar.
Pavarësisht sulmeve të kryra nga avionët amerikanë dhe aleatët, xhihadistët kanë sulmuar dje për herë të parë qendrën e qytetit kurd të Kobanes, në veri të Sirisë, sipas Observatorit sirian për të Drejtat e Njeriut (OSDH).
Ata kontrollojnë tashmë gjysmën e lokalitetit, pavarësisht rezistencës së luftëtarëve kurdë të njësive për mbrojtjen e popullit (YPG, degë siriane e rebelëve kurdë turq të PKK-së), theksoi Rami Abdel Rahmane, drejtor i OSDH-së.
Gjatë këtij takimi, 22 shefat ushtarakë do të diskutojnë për sfidat dhe të ardhmen e fushatës kundër ISIS-it”, theksoi një zëdhënës i lartë i forcave të armatosura amerikane, gjenerali Martin Dempsey.
