Paralajmërim për arrestime të reja në Turqi

Autoritetet turke dhanë sot urdhër për arrestimin e 166 personave mes të cilëve përfaqësues të policisë në kuadër të operacionit të ri pas tentimit për puç.

Hetimet fillimisht ishin të fokusuar në drejtoritë policore në Stamboll, por pastaj u përhapën në 35 provinca, ndërsa caku janë personat që kanë përdorur aplikacionin për dërgimin e porosive në telefona celularë të njohur si Bajlok.

Nga mesi i korrikut kur edhe ishte tentimi për puç janë arrestuar rreth 32.000 njerëz të cilët presin gjykimin, ndërsa mbi 100.000 të punësuar në sektorin publik janë pezulluar nga puna.