200 kamionë rusë me ndihma mbërrijnë në lindje të vendit

Autokolona me ndihma ruse mbërriti sot në mëngjes në Lugansk, në Ukrainën Lindore, njoftuan burime që përputhen.

”Në Lugansk mbërritën 200 kamionë, që transportojnë 2 000 tonë produkte ushqimore”, njoftoi televizioni rus ”Russia Today”.

”Përveç ndihmave ushqimore, kamionët transportojnë barna, gjeneratorë për energji elektrike si edhe makineri për pastrimin e ujit”, shtoi televizioni rus.

Autokolona ka përfunduar operacionin e kalimit në kufi, nga Izvarino, rreth orës 04:00 gmt.

Ndërkohë, sipas burimeve, Kryqi i Kuq nuk po e shoqëron këtë autokolonë pasi, sipas tij, ajo ”nuk ka marrë një notë zyrtare të marrëveshjes mes Rusisë dhe Ukrainës”.