229 të vdekur pas stuhive të dëborës dhe orteqeve

Numri i të vdekurve pas stuhive të dëborës që ka përfshirë vendin, shoqëruar me orteqe të shumta, ka arritur në 229, thanë sot zyrtarë të ndryshëm.

“Vetëm në provincën e Panjshirit kanë vdekur të paktën 180 persona. Shumë persona janë të bllokuar nga dëbora”, deklaroi Mohammad Aslam Sayas, zëvendësdrejtor i Autoritetit Kombëtar Afgan për Menaxhimin e Fatkeqësive.

“Të tjerët kanë vdekur në provinca, përfshirë Badakshanin dhe Bamiyanin”, shtoi ai.

”Kemi organizuar 300 veta për të marrë pjesë në shpëtimin e personave të përfshirë nga orteqet, por nuk kemi pajisjet e nevojshme”, theksoi ai.