A po i vjen fundi partisë së Gurevskit?
Paraqitja e dy grupeve joformale nga VMRO DPMNE të cilat e kundërshtojnë mënyrën e qeverisjes nga ana e garniturës në pushtet, në vlerësimet e para duken me dyshim se mund të shkaktojnë ndonjë përçarje më të thellë në parti, shkruan “Zhurnal”.
Sidomos për shkak të disiplinës së hekurt dhe metodave për t’i kërcënuar anëtarët e saj për të cilët thuhet se janë prezent në radhët e partisë në pushtet, të cilët nuk kanë autoritet të mjaftueshëm për të qenë bartës të këtyre iniciativave.
Të dy grupet në periudhën e fundit janë aktivizuar në politikën maqedonase në tentim që të vendosin “një mbështjellës të ri dhe të pastër, me gjak të pastër” të VMRO DPMNE-së, para opinionit paraqiten me bindshmëri të madhe se partia në pushtet mundet sërish ta kthejë besimin e publikut, por jo me udhëheqësin aktuale politike.
“Synimi ynë kryesor është që të kthehet diskutimi i shëndoshë demokratik në parti, por edhe në vend, dhe me mendje të kthjelltë të identifikohen arsyet për qorrsokakun momental”, thekson Pero Dimshoski, i cili së bashku me Nikolla Dimitrov dhe Vlladimir Llazareviqin, së bashku kanë bërë apel që të kthehet besimi në VMRO DPMNE, duke insistuar në përgjegjësi individuale dhe politike, kthimin e dialogut politik dhe shfarosje e plotë e kriminalitetit.
Paraqitja e lëvizjeve të ndryshme, iniciativave dhe grupeve joformale në situatë kur Maqedonia kalon një krizë politike është me shumë se e mirëseardhur. Kjo është një pikë e rëndësishme e pluralizmit. Kjo nënkupton se po kërkohet një dalje nga kjo krizë”, tha profesori universitar, Osman Kadriu.
Ndërkaq redaktori i “Fokusit”, Zoran Dimitrovski ka thënë se edhe përkundër faktit se Kekenovski është një figurë me ndikim në anëtarësinë e VMRO DPMNE-së, sërish ai nuk ka ndonjë forcë që të bëjë ndonjë ndryshim.
“Aty duhet të ketë mbështetje që të kërkohet ndryshim ose përgjegjësi. Momentalisht Gruevski dhe Mijallkov i kanë të gjitha mekanizmat në dorë për t’i kërcënuar anëtarët”, tha Dimitrovski, duke aluduar në mekanizmin e “kambialëve të nënshkruar”.
Të gjithë analistët konsiderojnë se VMRO DPMNE sidoqoftë do të pësojë një dridhje nga kjo krizë, por do të varet nga shumë faktorë nëse do të largohet përgjithmonë Gruevski nga kreu i kësaj partie.
