Aksident më pasojë vdekje te rrethrotullimi i Doganës

Një person humbi jetën sot në mesditë, në hyrje të Tiranës, prane sheshit “Shqiponja”. Ai ishte duke kaluar mespërmes rrugës në një vend pa vijëzime dhe ndërsa po kalonte bordurën ndarëse të rrugës, është goditur nga një mjet.

Për shkak të goditjes, personi ka humbur jetën menjëherë. Mjeti që e goditi ndaloi në vend, ndërsa u lajmërua urgjenca dhe policia.

Shkaqet e aksidentit janë duke u hetuar, ndërsa policia po identifikon viktimën.