Aksident në Lezhë, kamionçina përplas motorin! Plagoset 24-vjeçari

Një aksident është regjistruar pasditen e kësaj të premte në qytetin e Lezhës. Mësohet se rreth orës 17:00 në Ishull Lezhë është aksidentuar një motor.

Një aksident është regjistruar pasditen e kësaj të premte në qytetin e Lezhës. Mësohet se rreth orës 17:00 në Ishull Lezhë është aksidentuar një motor.

Sipas njoftimit të policisë një kamionçinë ka përplasur motorin ku për pasojë ka mbetur i plagosur një 24-vjeçar.

Ai është dërguar në spital ku ka marrë ndihmë mjekësore dhe ndodhet jashtë rrezikut për jetën. Policia po vijon hetimet për zbardhjen e plotë të ngjarjes.

“Lezhë/Informacion paraprak. Rreth orës 17:00, në Ishull Lezhë, një mjet (kamionçinë), me drejtues shtetasin A. L., 44 vjeç, është përplasur me një motomjet me drejtues shtetasin N. D., 24 vjeç.

Si pasojë e aksidentit është dëmtuar 24-vjeçari, i cili është transportuar në spital për ndihmë mjekësore dhe ndodhet jashtë rrezikut për jetën. Grupi hetimor ndodhet në vendngjarje dhe po punon për sqarimin e rrethanave të aksidentit”, njofton policia.