Aksion simbolik i aktivistëve të partive opozitare

Aktivistët e tre partive opozitare kanë nisur një aksion para Pallatit të Rinisë dhe kanë vazhduar deri tek Stacioni i Policisë së Kosovës në qendër.

Aktivistët e të tria partive ata të VV-së, AAK-së dhe Nismës, po mbajnë në duar pankarta me mbishkrime: “Liri deputetëve! Poshtë diktatura!” dhe “S’ka dhunë që na ndalë”.

Këto pankarta ata i kanë hedhur para një kordoni të Policisë së Kosovës që është krijuar në hyrje të stacionit.

Ky aksion vjen nga zhvillimet e fundit në vend, ku deri  tani janë arrestuar pesë deputetë, ndërsa dy të tjerë po kërkohen ende.

Diellza Hoti nga AAK tha se veprimet e opozitës nuk janë bërë nga qejfi, por nga pakënaqësitë dhe se deputetët e Kosovës nuk janë zgjedhur vetë, po nga votat e popullit.