Arrestohet pronari i agjencisë së udhëtimeve, trafikonte lëndë narkotike nga Shqipëria në Greqi

-50-vjeçari ishte i shpallur në kërkim që prej marsit 2014-

 Policia e Vlorës ka arrestuar  një shtetas, i cili dyshohet se përdorte agjencinë e udhëtimeve, në pronësi të tij për të trafikuar lëndë narkotike nga Shqipëria në Greqi.

Burime nga Policia e qytetit bregdetar njoftojnë se i arrestuari është 50-vjeçari Vejot Revati, pronar i agjencisë së udhëtiemve “Eurolines sh.p.k”, pasi ndaj tij janë ngritur dyshime se përdorte autobuzët e agjencisë së tij për të transportuar lëndë narkotike.

50-vjeçari ishte shpallur në kërkim thuajse një vit më parë.

Konkretisht më 18 mars 2014, pas arrestimit të shoferëve të punësuar tek agjencia “Eurolines”, Sotiraq Sholla, Arjan Balloma dhe Gëzim Bala , është shpallur në kërkim dhe pronari agjencisë, pikërisht 50-vjeçari.