Zëvendëskryeministrja Belinda Balluku, njëherësh ministre e Infrastrukturës dhe Energjisë bëri të ditur sot se pas rikthimit të shërbimit të kolaudimit nga kompania koncesionare “SGS” te shteti, fitimi vjetor në buxhet llogaritet 4.4 milionë euro.
Gjatë fjalës së saj në Kuvend, teksa po diskutohej mbi shtyrjen e afatit të kontratës për pullat fiskale, Balluku u shpreh se koncesionet e dhëna nga opozita kur ishte në pushtet ishin të gjitha korruptive.
“Pasi vendosëm ta hiqnin dhe t’ia kthenim shtetin shërbimin e kolaudimit, fitimi vjetor është 4.4 milionë euro. Sot çdo qytetar harxhon dy herë më pak për këtë shërbim, për shkak të atij koncesioni”, tha Balluku.
Zv/kryeministrja Balluku rikujtoi një koncesion të dhënë nga qeveria “Berisha”në 2013, kur ishte duke u larguar nga pushteti.
“Dua të risjell në vëmendje një nga koncesionet që vijon të përflitet, pasi është dhënë deri në vitin 2048, që është ai i mallrave në Portin e Durrësit. Është dhënë në kohën tranzitore, kur qeveria “Berisha” kishte humbur dhe po kalonte stafeta në qeverisjen socialiste. Koncesionet e qeverisjes suaj ishin njëra më korruptive se tjetra. Ajo që po bëjmë ne është ulja e kostove dhe kthimi i shërbimeve te qytetarët”, deklaroi zv/kryeministrja.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.