Basha: Raporti i KLSH flet për 600 mln euro dëm

Lulzim Basha e quan shfaqje tragjikomike udhëtimin e kryeministrit Rama nëpër Shqipëri, për t’iu kërkuar qytetarëve të denoncojnë abuzuesit me detyrën.

Kreu i demokratëve i referohet raportit të Kontrollit të Lartë të Shtetit, si një tregues skandaloz i një qeverisjeje që grabit paratë dhe pasuritë e vendit.

“Raporti i sapo bërë publik shpjegon në detaje se, dëmi ekonomik i shkaktuar nga keqqeverisja dhe abuzimi vetëm në dogana, tatime dhe tendera është afro 600 milionë euro”, deklaron Basha.

Ai i kërkon kryeministrit të pushojë dhe të ndjekë penalisht drejtuesit e doganave, tatimeve, prokurimeve, si dhe ministrat e funksionarët e tjerë që kanë shkaktuar këto dëme.

“Por kjo nuk ka për të ndodhur, sepse Edi Rama është vet shembulli dhe kampioni i abuzimit me detyrën dhe pasuritë publike, për interesat e tij dhe klientëve të tij”, përfundon Basha.