Bashkëpunëtori i Putinit: Shërbimet sekrete të NATO’s qëndrojnë prapa vrasjes së Ambasadorit
Shërbimet sekrete të një vendi anëtar të NATO’s “me shumë gjasë” qëndrojnë prapa vrasjes së ambasadorit të Rusisë në Turqi, Andrey Karlov, ka deklaruar një aleat kyç i presidentit rus, Vladimir Putin.
Senatori i lartë, Frantz Klintsevich, zëvendëskryetar i Komisionit për mbrojtje dhe siguri të Dhomës së Epërme të Parlamentit rus, ka thënë se vrasja e ambasadorit rus “ka qenë akt i planifikuar”, transmeton Gazeta Express.
“Të gjithë e kanë ditur se ai do të merrte pjesë në këtë ekspozitë fotografish”, ka thënë Klintsevich.
“Mund të jetë ISIS, apo armata kurde, e cila përpiqet ta dëmtojë Erdoganin”, ka shtuar ai.
“Por, mund të jenë – me shumë gjasë – përfaqësuesit e shërbimeve sekrete të një vendi të NATO’s ata që qëndrojnë prapa”, ka deklaruar Klintsevich.
“Kjo përbën sfidë për Rusinë”, ka shtuar ai.
Senatori është anëtar i këshillit udhëheqës të partisë Rusia e Bashkuar, që qëndron prapa presidentit rus, Putin
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.