Bashkia e Vlorës pajis me dokumentacion subjektet që do veprojnë në zonat e plazheve
Bashkia e Vlorës, në zbatim të V.K.M-se 369, datë 18.05.2016 “Për miratimin e rregullores Për kushtet dhe kriteret e ushtrimit të veprimtarisë së stacionit të plazhit”, nxjerr një urdhër të brendshëm për dhënien e hapësirave publike për veprimtarinë e stacioneve të plazhit në vijën bregdetare.
Bashkia e Vlorës iu drejtua subjekteve kerkues që nuk kanë paraqitur dokumentacionin ligjor, të paraqiten deri në datën 1 korrik 2016 pranë Njësive Administrative, Drejtorisë së Pronave Publike ose Drejtorisë së Menaxhimit Financiar, sipas rastit ku do të ushtrohet veprimtaria e stacionit të plazhit.
Mbas këtij afati do te ketë penalitete sipas legjislacionit shqiptar tatimor, bllokim te aktivitetit dhe sekuestrim te pajisjeve per lirimin e hapësirave publike të zëna pa leje.
