Bashkia Tiranë padit ministrin Cani: Ka bllokuar kredinë për bulevardin e ri, me urdhër politik

Bashkia e Tiranës ka dorëzuar një kallëzim në prokurori për ministrin e Financave, Shkëlqim Cani, për bllokimin që ky i fundit sipas bashkisë i ka bërë kredisë për ndërtimin e Bulevardit të ri të Tiranës.

Nënkryetari i Bashkisë Tiranë, Eno Bozdo që ka depozituar në prokurori kallëzimin në fjalë, ka thënë për mediat se Cani, duke bllokuar këtë kredi me urdhër politik nga kryeministri, ka krye një vepër penale. Sipas Bozdos, nga bllokimi i pagesave 2000 familje të punonjësve të firmave që marrin pjesë në ndërtim mbeten pa bukë.