BBC: ISIS ka djegur të gjallë 45 persona në Irak

ISIS ka djegur të gjallë 45 persona në Al-Baghdadi, në Irak. Kështu raporton një zëdhënës i policisë lokale, Qasim al-Obeidi, i cituar nga televizioni anglez BBC.

Pak ditë më parë mediet thanë se 27 policë ishin vrarë në të njëjtin qytet në provincën e Anbarit pranë lumit Eufrate.

Nuk është akoma e qartë se kush janë viktimat e kësaj masakre dhe pse janë vrarë, edhe pse duket se bëhet fjalë për agjentë të sigurisë. Terroristët kanë kapur shumë prej tyre javën e shkuar në qytetin pranë bazës ajrore Ain Al-Asar.