Begaj në Këshillin e Sigurimit Kombëtar: Duhet të forcojmë mbrojtjen kibernetike në vend

Ligji njoftohet se ka mbërritur në Kuvend për miratim dhe është përgatitur edhe në bashkëpunim me ekspertët ndërkombëtarë.

Presidenti Bajram Begaj deklaroi në këshill se vijojnë sulmet kibernetike ndaj sistemeve tona dixhitale.

“Janë shtuar në sasi, por janë bërë edhe më të sofistikuara dhe më komplekse duke rritur shkallën e vështirësisë së përballimit të tyre. Gjithashtu, pothuaj një vit pas sulmeve shkatërrimtare është koha të reflektojmë se çfarë kemi bërë, sa të përgatitur jemi në përballje me sulme të mundshme dhe ku duhet të fokusohen përpjekjet dhe investimet tona për forcimin e mëtejshëm të mbrojtjes kibernetike”-shtoi Begaj.

Pjesë e diskutimeve në këshill deklaroi presidenti, janë edhe çështje të tjera me rëndësi për sigurinë kombëtare, të lidhura me kërcënimet që vijnë nga Irani, qofshin këto në formën e propagandës, kërcënimeve diplomatike apo me natyrë hibride.