Berlin: Dy të tretat e gjermanëve kundër Nobelit të Paqes për Merkelin

Rreth dy të tretat e qytetarëve gjermanë mendojnë se kancelarja Angela Merkel, e cituar në mesin e emrave favoritë për çmimin Nobel për Paqen nuk duhet të shpërblehet me këtë titull, referuar një sondazhi të publikuar sot nga e përdishmja “Handelsblatt”.

Një shumicë dërrmuese prej 61 për qind e cilësojnë se Merkel nuk është një kandidate e denjë për këtë çmin që pritet të jepet nesër në Oslo, ndërsa 34 për qind kanë dhënë një gjykim të kundërt, sipas një sondazhi të Institutit “Forsa” i realizuar me 1 002 persona.

E vetmja kategori ku shumica e cilëson një kandidate të merituar janë përkrahësit e kampit të saj konservator prej 54 për qind.

Merkel është cituar në mesin e emrave favoritë për shkak të mediatizimit të saj në konfliktin në Ukrainë dhe hapjes së dyerve të vendit ndaj kontigjentit të migrantëve në një moment kur Evropa po përballet me një krizë të jashtëzakonshme migratore.

Por ky pozicionim ka shkaktuar rënie të popullaritetit të saj në Gjermani edhe brenda kampit të saj politik, ndërsa vendi ka regjistruar 577 mijë kërkesa azili që prej fillimit të vitit dhe pritet të shqyrtojë rreth 800 mijë deri në një milion në vitin 2015.