BERZH ruan parashikimin për Shqipërinë, rritje 3.5% në 2017

BERZH e ka mbajtur të pandryshuar parashikim e saj për një rritje prej 3.5% të ekonomisë shqiptare gjatë vitit 2017.

Në raportin e fundit të publikuar sot, Banka Europiane për Rindërtim dhe Zhvilllim vlerëson se, pritshmëritë janë po aq sa qenë projektuar në nëntor të vitit që shkoi.

Sipas BERZH-it, ekonomia shqiptare ka perforumar mirë edhe gjatë 2016-s dhe ka një rritje po prej 3.5%, e cila u mbështet te rritja e fortë e konsumit dhe e investimeve private.

Shpenzimet publike kanë qenë të përmbajtura, ndërkohë që eksportet, edhe pse me rritje të moderuar kanë dhënë ndikimet e tyre. Këtu BERZH vlerëson rolin e rritjes së turizmit.

Banka Europiane për Rindërtim dhe Zhvillim nënvzion faktin e projekteve të rëndësishme energjitike që po ecin përpara dhe ristrukturimin e sektorit energjitik në përgjithësi, që projektojnë një rritje të sektorit në periudhë afatgjatë.

Në prespektivën e afërt BERZH është optimiste, por megjithatë thotë se rreziqet e uljes janë domethënës. Për këtë viti rritja mbetet në 3.5%, ndërsa në 2018 ajo parshikohet në 3.7%.

Edhe për Kosovën BERZH e ka mbajtur të pandryshuar parashikimin për rritjen ekonomike në 3.5% të prodhimit të brendshëm bruto.