Bizneset duhet të paraqesin pasqyrat financiare për vitin fiskal 2015
Bizneset duhet të paraqesin pranë administratës tatimore pasqyrat financiare për vitin fiskal 2015 brenda ditës së sotme, 31 mars.
Sipas burimeve zyrtare të Drejtorisë së Përgjithshme të Tatimeve, deklarimi tatimor dhe llogaritja përfundimtare e tatimit mbi fitimin për çdo tatimpagues duhet të kryhet brenda datës 31 mars të vitit 2016, përmes formularit të Deklarimit të Tatimit mbi Fitimin sipas modelit të miratuar me udhëzim.
Të gjitha bizneset dorëzojnë vetëm elektronikisht në administratën tatimore brenda datës 31 mars të vitit pasardhës bilancin kontabël së bashku me anekset e tij.
Burimet thanë se dokumentacionet shtesë të kërkuar të dorëzohet elektronikisht së bashku me pasqyrat financiare janë kontratat e qerasë për ambientet e marra me qera, apo vërtetimin e pronësisë për objektet në pronësi, gjendja e inventarit të mallrave për shitje më datë 31.12.2015 (analitik), inventari i mjeteve të transportit në pronësi dhe pasqyra e aktiveve afatgjata materiale
Gjithashtu, do të dorëzohet gjendja e inventarit të mallrave për shitje më datë 31.12.2015 (analitik), si dhe do deklarohet në versionin e mundshëm të tatimpaguesit, por me kushtin që versioni i deklaruar të jetë i pandryshueshëm.
