Çështja “Doshi”, Prokuroria ndryshon akuzën ndaj Durim Bamit

Prokuroria e Krimeve të Rënda ka ndryshuar akuzën për të arrestuarin Durim Bami, nga vrasje të mbetur në tentativë, në kallëzim të rremë.

Bami ishte personi që u shfaq në videon e Tom Doshit, ku tregonte se i ishin ofruar nga Fatjon Skënderi 500 mijë euro me porosi të Ilir Metës për të vrarë deputetin socialist të Qarkut Shkodër dhe atë demokrat Mhill Fufi.

Por në dëshminë e tij në Prokurori, 36-vjeçari nga Fushë Kruja ka pohuar se ka qenë i kërcënuar me armë nga Doshi në momentin e video-regjistrimit.

Kështu, pasi ngjarja ka rezultuar një inskenim nga ana e Prkurorisë, ka ndryshuar edhe akuza për Bamin.