Çfarë kërkon më shumë YouTube
YouTube synon të konkurrojë në mënyrë të barabartë me gjigantët e televizioneve in streaming, si Netflix.
Sipas Wall Street Journal shoqëria këto muajt e fundit ka pasur takime me studio hollivudiane dhe prodhues të tjerë për të marrë të drejta të transmetimit të filmave apo serive televizive.
Kjo lëvizje do të shërbente për zgjerimin e ofertës së abonimit “Red”, të publikuar në tetor, me një abonim prej 9.99 dollarë në muaj. Në këtë platformë përdoruesit e YouTube mund të shohin video pa reklama dhe muzikë in streaming.
Për t’iu përshtatur përmbajtjes televizive, dy muaj më parë YouTube ka bërë të ditur se do të prodhojë filma e seriale të vetët. Kjo është një strategji që është ndjekur nga Netflix, Hulu dhe Amazon.
Por përveç kësaj, duket se shoqëria me në krye Alphabet, ka si qëllim të blejë të drejta transmetimi të produkteve të të tjerëve. YouTube në fakt, sipas Wall Street Journal, dëshiron të hyjë në prodhimet e reja, ti transmetojë në mënyrë ekskluzive, njëkohësisht me kanalet tradicionale si kinematë apo televizionet. Por këto tratativa duket se janë në fazën fillestare.
